🔥 ਕਾਲਾ ਸਿੰਘਾ ਰੋਡ ਨੇੜੇ ਕਬਾੜ ਗੋਦਾਮ ਵਿੱਚ ਭਿਆਨਕ ਅੱਗ, ਘਰ ਵੀ ਸੜੇ — ਦੇਰ ਨਾਲ ਪਹੁੰਚੀ ਫਾਇਰ ਬ੍ਰਿਗੇਡ ‘ਤੇ ਉੱਠੇ ਸਵਾਲ

ਜਲੰਧਰ ਸੁਮਿਤ ਕੁਮਾਰ: ਸ਼ਹਿਰ ਦੇ ਵੈਸਟ ਇਲਾਕੇ ਵਿੱਚ ਕਾਲਾ ਸਿੰਘਾ ਰੋਡ ਦੇ ਨੇੜੇ ਪਿੰਡ ਕਾਦੀਆਂ ਵਿੱਚ ਸਥਿਤ ਇੱਕ ਕਬਾੜ ਦੇ ਗੋਦਾਮ ਵਿੱਚ ਅਚਾਨਕ ਭਿਆਨਕ ਅੱਗ ਲੱਗਣ ਨਾਲ ਇਲਾਕੇ ਵਿੱਚ ਹੜਕੰਪ ਮਚ ਗਿਆ। ਅੱਗ ਦੀਆਂ ਲਪਟਾਂ ਦੂਰੋਂ ਹੀ ਨਜ਼ਰ ਆ ਰਹੀਆਂ ਸਨ ਜਦਕਿ ਅਸਮਾਨ ਵਿੱਚ ਕਾਲਾ ਧੂੰਆ ਛਾ ਗਿਆ।

🚒 ਇੱਕ ਘੰਟੇ ਬਾਅਦ ਪਹੁੰਚੀ ਫਾਇਰ ਬ੍ਰਿਗੇਡ, ਲੋਕਾਂ ਦਾ ਗੁੱਸਾ

ਮੌਕੇ ‘ਤੇ ਮੌਜੂਦ ਲੋਕਾਂ ਦੇ ਮੁਤਾਬਕ ਸਵੇਰੇ ਅਚਾਨਕ ਗੋਦਾਮ ਵਿੱਚ ਅੱਗ ਲੱਗੀ ਜਿਸਨੂੰ ਲੋਕਾਂ ਵੱਲੋਂ ਆਪਣੇ ਪੱਧਰ ‘ਤੇ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਗਈ, ਪਰ ਅੱਗ ਨੇ ਕੁਝ ਹੀ ਸਮੇਂ ਵਿੱਚ ਭਿਆਨਕ ਰੂਪ ਧਾਰ ਲਿਆ। ਇਲਾਕੇ ਦੇ ਰਹਿਣ ਵਾਲਿਆਂ ਨੇ ਦੱਸਿਆ ਕਿ ਅੱਗ ਦੀ ਸੂਚਨਾ ਦੇਣ ਦੇ ਬਾਵਜੂਦ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਲਗਭਗ ਇੱਕ ਘੰਟੇ ਬਾਅਦ ਮੌਕੇ ‘ਤੇ ਪਹੁੰਚੀਆਂ, ਜਿਸ ਕਾਰਨ ਨੁਕਸਾਨ ਕਾਫੀ ਵੱਧ ਗਿਆ।

😢 ਪੀੜਤ ਦਾ ਦਰਦ: “ਸਭ ਕੁਝ ਸੜ ਕੇ ਖਾਕ ਹੋ ਗਿਆ”

ਇੱਕ ਪੀੜਤ ਵਿਅਕਤੀ ਨੇ ਰੋਦਿਆਂ ਦੱਸਿਆ ਕਿ ਅੱਗ ਨੇ ਉਸਦਾ ਘਰ ਵੀ ਆਪਣੀ ਲਪੇਟ ਵਿੱਚ ਲੈ ਲਿਆ ਅਤੇ ਉਸਦੀ ਸਾਰੀ ਜਾਇਦਾਦ ਸੜ ਕੇ ਰਾਖ ਹੋ ਗਈ। ਪਰਿਵਾਰਾਂ ਨੇ ਪ੍ਰਸ਼ਾਸਨ ਦੀ ਲਾਪਰਵਾਹੀ ‘ਤੇ ਸਵਾਲ ਖੜੇ ਕੀਤੇ ਹਨ।

🏃‍♂️ ਜਾਨ ਬਚਾਉਣ ਲਈ ਲੋਕ ਭੱਜੇ, ਵੱਡਾ ਨੁਕਸਾਨ

ਅੱਗ ਦੇ ਤੇਜ਼ੀ ਨਾਲ ਫੈਲਣ ਕਾਰਨ ਲੋਕ ਆਪਣੀ ਜਾਨ ਬਚਾਉਣ ਲਈ ਇਲਾਕੇ ਤੋਂ ਦੂਰ ਭੱਜਣ ਲੱਗ ਪਏ। ਇਸ ਹਾਦਸੇ ਵਿੱਚ ਇੱਕ ਮੋਟਰਸਾਈਕਲ ਸਮੇਤ ਕਾਫੀ ਸਮਾਨ ਸੜ ਕੇ ਖਾਕ ਹੋ ਗਿਆ।

🚓 ਪੁਲਿਸ ਤੇ ਫਾਇਰ ਟੀਮ ਮੌਕੇ ‘ਤੇ, ਅੱਗ ‘ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਜਾਰੀ

ਮੌਕੇ ‘ਤੇ ਫਾਇਰ ਬ੍ਰਿਗੇਡ ਦੀਆਂ ਕਰੀਬ 5 ਗੱਡੀਆਂ ਅੱਗ ਬੁਝਾਉਣ ਵਿੱਚ ਜੁਟੀਆਂ ਹੋਈਆਂ ਹਨ, ਪਰ ਅੱਗ ਦੀ ਭਿਆਨਕਤਾ ਕਾਰਨ ਕਾਬੂ ਪਾਉਣ ਵਿੱਚ ਮੁਸ਼ਕਲ ਆ ਰਹੀ ਹੈ। ਪੁਲਿਸ ਵੀ ਮੌਕੇ ‘ਤੇ ਮੌਜੂਦ ਹੈ ਅਤੇ ਸਥਿਤੀ ‘ਤੇ ਨਿਗਰਾਨੀ ਰੱਖ ਰਹੀ ਹੈ।